एजेन्सी । स्टार खेलाडी अर्लिङ हालाण्डले दुई गोल गर्दा बोरुसिया डर्टमण्डले जर्मन बुन्डेस लिगा फुटबलमा सहज जित निकालेको छ ।

शनिबार राति भएको खेलमा डर्टमण्डले युनियन बर्लिनलाई ५–० गोल अन्तरले हराएको हो । जितसँगै डर्टमण्डले २० खेलमा ३९ अंक गोडेको छ । डर्टमण्ड तेस्रो स्थानमा उक्लिएको छ । २३ अंक जोडेको बर्लिन १२ औं स्थानमा रहेको छ । घरेलु मैदानमा भएको खेलमा डर्टमण्डलाई जित दिलाउन खेलको १३ औँ मिनेटमा जाडोन सान्चोको गोल गर्दै टिमलाई अग्रता दिलाए । १८ औँ मिनेटमा हालाण्डले गोल गर्दै डर्टमण्डको अग्रता दोब्बर पारे ।

६८ औँ मिनेटमा मार्को रिउसले पेनाल्टीमा गोल गर्दै डर्टमण्डलाई ३–० को अग्रता दिलाए । त्यसको दुई मिनेट पछिनै एलेक्स विसलले डर्टमण्डका लागि चौथो गोल गरे । खेलको ७६ औँ मिनेटमा हालाण्डले व्यक्तिगत दोस्रो गोल गर्दै डर्टमण्डलाई ५–० को फराकिलो जित दिलाए ।