सिओल । दक्षिण कोरियामा एकैदिनमा चीनमा ७१ जनाको मृत्यु भएको छ भने ६० जनामा संक्रमण भएको छ । दक्षिण कोरियाली रोग नियन्त्रण र उपचार केन्द्रका अनुसार एक दिनमा ६० जना संक्रमित भएका छन् ।

हाल दक्षिण कोरियामा कोरोना संक्रमितको संख्या ८९३ पुगेको छ । सोमबार सओलमा दुई जना, बुसानमा ३ जना, डेइगुमा १६ जना, गेइओंगीमा ५ जना, उत्तरी गेइओंसाङ प्रान्तमा ३३ जना र दक्षिण गेइओंसाङमा १ जनामा कोरोनाको संक्रमण भएको पुष्टि भएको छ ।

कोरोनाका कारण विश्वभर दुई हजार ६९८ जनाको मृत्यु भइसकेको छ । सोमबार चीनको हुबेइमा ६८ गरी चीनमा मात्र ७१ जनाको मृत्यु भएको छ । जसमा दुई हजार ६६३ मा चीनमा, इरानमा १२, दक्षिण कोरियामा ७ जना, इटालीमा ७ जना, जापानमा ४, हङकङ २, फिलिपिन्स, फ्रान्स, ताइवानमा एक-एक जनाको मृत्यु भएको छ ।

विश्वभर ८० हजारभन्दा बढी कोरोना संक्रमित भएका छन् । ( सीएनएन )