एजेन्सी । यूईएफए नेसन्स लिग अन्तर्गत समूह चरणको दोस्रो खेलमा फिनल्यान्डले संघर्षपूर्ण जित निकालेको छ । आइतबार राति भएको खेलमा फिनल्यान्डले आयरल्यान्डलाई १–० गोल अन्तरले हराएको हो । 

आयरल्यान्डको घरेलु मैदानमा भएको खेलमा फिनल्यान्डले जित निकाल्दै महत्वपूर्ण तीन अंक बटुल्न सफल भएको हो । पहिलो हाफ गोलरहित बराबरी खेलेको फिनल्यान्डका लागि खेलको ६३ औँ मिनेटमा फ्रिडिक जेन्सेनले गोल गर्दै फिनल्यान्डलाई जित दिलाए । 

जितसँगै दुई खेल खेलेको फिनल्यान्डले तीन अंक जोड्दै समूह एचको दोस्रो स्थानमा आफूलाई स्थापित गरेको छ । शीर्ष स्थानमा रहेको वेल्सको ६ अंक छ । पराजित आयरल्यान्ड १ अंकसहित तालिकाको तेस्रो स्थानमा छ ।