काठमाडौं उपत्यकामा मंगलबार थप १ हजार ४ सय २० जनामा कोरोना पुष्टि भएको छ। काठमाडौंमा १ हजार १ सय ४१, भक्तपुरमा ८६ र ललितपुरमा १ सय ९३ जना कोरोना संक्रमित थपिएका छन्। महिला ६ सय ३ र पुरुष ८  सय १७ छन्।

अहिले काठमाडौं जिल्लामा १६ हजार ६ सय ८६ सक्रिय संक्रमित छन्। २ सय ८० संक्रमितको मृत्यु, ५७ हजार ३ सय ७८ कोरोना संक्रमणबाट मुक्त भएका र कुल संक्रमित ७४ हजार ३ सय ४४ रहेका छन्। होम आइसोलेसनमा ११ हजार  ३ सय ९३ संक्रमित उपचाररत छन्।

भक्तपुरमा सक्रिय संक्रमित १ हजार २ सय ४२४ छन्। ५ हजार ३ सय ८७ कोरोना संक्रमणबाट मुक्त भएका, ७३ संक्रमितको मृत्यु र कुल संक्रमित ६ हजार ६ सय ८४  रहेका छन्। होम आइसोलेसनमा बसी उपचार गर्नेको संख्या १ हजार ८ सय १४ पुगेको छ।

त्यसैगरी, ललितपुरमा २ हजार ३ सय ५० सक्रिय संक्रमित छन्। ८ हजार १ सय २५ कोरोना संक्रमणबाट मुक्त भएका छन्। ७२ संक्रमितको मृत्यु र कुल संक्रमित १० हजार ५ सय ४७ छन्। होम आइसोलेसनमा १ हजार ८ सय ३१ छन्।