रौतहटको लौकाहामा गोली हानी किशाेरीकाे हत्या गरिएकाे छ।

बुधबार राति साढे ११ बजेतिर सुतिरहेको अवस्थामा १७ वर्षीया अमृता साहको हत्या भएको प्रहरीले जनाएको छ।

घटना अनुसन्धानका लागि तालिम प्राप्त कुकुरसहित प्रहरी टाेली घटनास्थल पुगेको राैतहटका एसपी सिद्धिविक्रम शाहले जानकारी दिए।

प्रहरीका अनुसार २०७६ फागुनमा सर्लाहीको मधुवनगोठ निवासी रुपेश साहसँग विवाह गरेकी ती किशाेरीले गत असारमा मात्र सम्बन्ध-विच्छेद गरेकी थिइन्। 

त्यसयता उनी राैतहटस्‍थित माइती घरमा बसेकी थिइन्।