फागुन १४, काठमाडौं ।
काठमाडौंको पुतलीसडकस्थित सेयर मार्केट भवनमा आगलागी भएको छ ।

सोमबार बिहान पौने १० बजेतिर पाँचौं तलामा रहेको एनआइएसी ल्यांग्वेज सेन्टरमा आगलागी भएको हो ।

घटनास्थलमा रहेका महानगरिय प्रहरी वृत्त कमलपोखरीका डिएसपी कुलदिप चन्दका अनुसार आगो ९० प्रतिशत नियन्त्रणमा आइसकेको छ ।

आगो नियन्त्रणका लागि महानगरपालिका र नेपाली सेनाका ४ दमकलले प्रयास गरिरहेका छन । आगलागीको कारण र क्षतिको विवरण आइनसकेको प्रहरीले जनाएको छ । आगो लागेपछि सो रुट भएर चल्ने सवारीसाधन डाइभर्ट गरिएको छ ।