मौद्रिक नीतिपछि लगातार दोस्रो दिन सेयर कारोबार बढेको छ। सोमबार ४ अर्बको सेयर कारोबार भएको हो।

नेपाल स्टक एक्सचेन्जका अनुसार सोमबार नेप्से ५४.४५ अंकले बढेर २१ सय ३२ दशमलव ९६ विन्दुमा पुगेको छ।

धेरै समय २ हजार विन्दुवरपर नै घुमिरहेको सूचक आज २१ सय माथि पुगेको छ। आज ९९ लाख कित्ता सेयर बिक्री भएको छ। २ सय १४ कम्पनीको सेयर दिनभरिमा ६४ हजार पटक किनबेचमा ४ अर्ब १० करोडको कारोबार भएको हो।

आज १३ वटै उपसूचक हरियो भएका छन्। आज १८ वटा कम्पनीको सेयर १० वा सोही प्रतिशत हाराहारीले बढेको छ।

दुई दिनको कारोबारमा राष्ट्र बैंकले ल्याएको मौद्रिक नीतिको सकारात्मक प्रभाव देखिएको हो। आज लगानीकर्ताले ५.८७ प्रतिशतसम्म गुमाएका छन्।

सर्वाधिक कारोबारमा शिवम् सिमेन्ट अगाडि छ। कम्पनीको १५ करोडको कारोबार भएको छ।