चैत १० चितवन, ।

चितवन ग्रीन लायन्स क्लव र चितवन ग्रीन लियो क्लवको आयोजनामा निःशुल्क आँखा शिविर सम्पन्न भएको छ ।रत्ननगर नगरपालिका–११ स्थित गामबेसी चेपाङ संरक्षण केन्द्रमा आश्रित ७६ जना बालबालिकाहरुको निःशुल्क आखा परीक्षण गरिएको हो ।

भरतपुर आँखा अस्पतालको प्राविधिक सहयोगमा भएको शिविरमा सबै बालबालिकाहरुको आँखा परीक्षण गरिएको थियो ।चितवन ग्रीन लायन्स क्लवका अध्यक्ष दीपकचन्द्र भट्टराईले अन्य सहयोग गर्दै आएको संरक्षण केन्द्रमा यसपटक बालबालिकाको स्वास्थ्यलाई ध्यानमा राखेर निःशुल्क आँखा शिविर गरिएको बताउनुभयो ।

उहाले आगामि दिनमा यस्ता कार्यक्रमहरुलाई निरन्तरता दिईने बताउनुभयो ।कार्यक्रममा क्लवका प्रथम उपाध्यक्ष डिल्लीराम अधिकारी, डाईरेक्टर हरिहर अधिकारीलगायत लायन्स तथा लियो सदस्यहरुको सहभागिता रहेको थियो ।