चैत १५ ,देवघाट  ।

तनहुको देवघाट गाउपालिका वडा नं ४ अन्र्तगत सिंञ्चाङमा रहेको कार्यलयमा वडा अध्यक्ष पदमबहादुर गुरुङले मदिरा सेवन गरी आफ्नै वडा सचिव भोजनारायण श्रेष्ठमाथी आक्रमण गरेका छन् ।

वडा अध्यक्ष गुरुङले अपरान्हको समयमा कार्यालयको काममा व्यस्त भइरहेको अवस्थामानै वडा सचिव श्रेष्ठलाई आक्रमण गरेका हुन् । गाउपालिकाका सम्पूर्ण कर्मचारीले वडा अध्यक्ष गुरुङको हर्कत निन्दा र भत्र्सना गर्दै निजलाई कार्वाही नभएसम्म कुनैपनि काम नगर्ने भन्दै कार्यालय ठप्प पारी विरोधमा उत्रिएका छन् ।

वडा अध्यक्ष गुरुङले कार्यालयको समयमा काममा व्यस्त भइरहेको अवस्थामानै वडा सचिव श्रेष्ठलाई कार्यालय बाहिर बोलाइ एक्कासी कुनै छलफलनै नगरी अपमानजनक रुपमा घृणित अपशव्द बोल्दै आक्रमण गर्ने प्रयास गरेको र स्थानीय नागरिकहरुले अध्यक्षलाई रोकी सचिव श्रेष्ठ स्थानीयको सहयोगमा भागेर ज्यान बचाएको प्रेस विज्ञप्तिमा जनाइएको छ ।

जनताको सेवामा निरन्तर कार्यरत कर्मचारी माथी सुरक्षा प्रत्याभुती नभएसम्म कुनैपनि काम सुचारु गर्न नसक्ने विज्ञप्तीमा जनाईएको छ ।यो आक्रमण एक कर्मचारी माथी नभई सिंगो गाउपालिकाका कर्मचारीमाथी भएको र यसलाई सामान्य रुपमा लिन नसकिने भन्दै गाउपालिकाका कर्मचारीहरुले आपत्ति प्रकट गरेका छन् ।