२८, कार्तिक काठमाडौं ।
एसिसी यू–१९ एसिया कप अन्तर्गत समूह चरणको अन्तिम खेलमा नेपालले सानदार जित हात पारेको छ । नेपालले मलेसियालाई ८ विकेटले पराजित गरेको छ । ४५ रनको सामान्य लक्ष्य पछ्याएको नेपालले ५।३ ओभरमा २ विकेट गुमाएर लक्ष्य पुरा गरेको छ ।

नेपालका लागि ओपनर अनिल कुमार साहले नटआउट २६ रनको योगदान दिए । १५ बल खेले लिए । टस हारेर पहिले ब्याटिङमा उत्रिएको घरेलु टोली मलेसियाका लागि सैफ उल्लाह मल्लिकले १३ आजिद सायद मुबारकले १२ रना बनाउनु बाहेक अन्यले दोहोरो अङक छुन सकेनन् । ५।४ ओभरमा ३३ रन बनाएको मलेसियाले त्यसपछि १२ रन जोड्दा आफ्ना सबै विकेट गुमायो ।

कप्तान दीपेन्द्रसिंह ऐरी ३ बलमा १२ रन जोडेर आउट भए। उनले २ छक्का प्रहार गरेका थिए। त्यसअघि ओपनर आसिफ शेख ४ रनमा आउट भए। त्यसअघि मलेसियाको बायुमास ओभलमा वर्षाले प्रभावित खेलमा पहिले ब्याटिङ गरेको घरेलु टिम १५ दशमलब ३ ओभरमा ४५ रनमा अलआउट भयो।

मलेसियाको इनिङ ध्वस्त पार्न नेपालका सन्दीप लामिछानेले ५ विकेट लिए। साहब अलाम र कप्तान दीपेन्द्रसिंह ऐरीले २–२ विकेट हात पारे। अनिलकुमार साहले १ विकेट लिए। नेपालले टस जितेर मलेसियालाई पहिले ब्याटिङको निम्तो दिएको थियो। खेल वर्षाले प्रभावित भएपछि २४ ओभरमा घटाइएको थियो।

सुरुवाती ५ ओभरमा मलेसियाले राम्रो ब्याटिङ गरे पनि नेपालले छैटौं ओभरमा पहिलो सफलता हात पार्योे। अनिलकुमार साहले छैटौं ओभरमा मलेसियाका कप्तान विरनदीप जगजित सिंहलाई १० रनमा आउट गरे ।
सातौं, ओभरमा कप्तान दीपेन्द्रसिंह ऐरीले २ विकेट लिए। ऐरीले २० रन बनाएर खेलिरहेका सइद मुबारकालाई किशोर महतोबाट क्याच गराए भने सौभिन्दर सिंहलाई शून्य रनमा आउट गरे।

आठौं ओभरमा सन्दीप लामिछानेले मोहम्मद हफिजलाई एलबिडब्लुको धरापमा पारे। त्यसपछि साहब अलामले लगातार २ विकेट लिएका थिए भने एक विकेट सन्दीपले हात पारे ।
समूह ुएुकै अर्को खेलमा भारत र बंगलादेशबीच प्रतिस्पर्धा भइरहेको छ। खेलको नजितापछि नेपालको सेमिफाइनल यात्रा तय हुनेछ ।बंगलादेश विजयी भए नेपाल सिधै सेमिफाइनल पुग्नेछ। भारत विजयी भएमा रनरेटका आधरमा सेमिफाइनल पुग्ने टिमको टुंगो लाग्नेछ ।