मंसिर ३ । काठमाडौं
चीनमा आयोजना भएको ६७ औं ‘मिस वल्र्ड २०१७’को उपाधि छिमेकी राष्ट्र भारतकी मानुषी छिल्लरले जितेकी छिन् ।
उनले विश्वभरबाट आएका ११७ देशका सुन्दरीलाई हराउँदै यो ताज जितेकी हुन् ।

मिस वल्र्डको उपाधि मानुषीले जित्दै गर्दा फस्ट रनरअपको उपाधि भने मेक्सिकोकी सुन्दरी एन्ड्रेया मेजाले जितेकी छिन्। यस्तै, सेकेन्ड रनरअपको उपाधि वेलायतकी स्टेफेनिया हिलले जितकी छिन्।

अन्तिम ५ मा पुगेकी मानुषीले दिएको जवाफले नै उनलाई विश्व सुन्दरी बनाउन सफल भएको छ ।
पपलुर विधाको उत्कृष्ट १० मा पनि पर्न सफल भएकी नेपालकी सुन्दरी निकिता चन्दक भने उत्कृष्ट ४० मा पर्न सफल भएकी छिन् ।
सन् १९९७ मे महिनाको १४ तारिखमा जन्मिएकी हरियणाकी मानुषीले यो बर्षको ‘फेमिना मिस इन्डिया’को उपाधि पनि जितेकी थिइन् ।
मेडिकल विधामा अध्ययन गरिरहेकी मनुषीले १७ बर्षपछि भारतलाई ‘मिस वल्र्ड’को उपाधि जिताएकी छिन्।
यस अगाडि नायिका ऐश्वर्य राय र प्रियंका चोपडाले यो उपाधि जितेका थिए ।