एजेन्सी । इन्डियन प्रिमियर लिग (आईपीएल) क्रिकेटमा रोयल च्यालेन्जर्स बेंग्लोरले जित निकालेको छ । किंग्स इलाभेन पञ्जाबमाथि १० विकेटको जित हात पार्दै बेंग्लोरले अन्तिम चारमा पुग्ने झिनो सम्भावनालाई कायमै राखेको छ ।

होलकर क्रिकेट रंगशालामा सोमबार राति भएको खेलमा बेंग्लोरले उत्कृष्ट पुनरागमन गर्दै जित हात पारेको हो । टस हारेर पहिले ब्याटिङको निम्तो पाएको पञ्जाबले उत्कृष्ट सुरुवात गरेपनि खराब प्रदर्शन गरेको थियो ।

पञ्जाबले १५-१ ओभरमा सबै विकेटको क्षतिमा ८८ रन मात्रै बनाउन सक्यो । पञ्जाबका लागि कुनै पनि खेलाडीले राम्रो प्रदर्शन गर्न सकेनन् । यो ८८ रनको स्कोर जारी आईपीएलमा सबै भन्दा कम बनेको स्कोर हो ।

सुरुवात भने पञ्जाबले उत्कृष्ट गरेको थियो । पहिलो विकेटका लागि क्रिस गेल र लोकेश राहुलले ३६ रनको पाटनरसिप गरेका थिए । राहुल २१ रनमा र गेल १८ रनमा आउट भएपछि पञ्जाबको विकेट पतन सुरु भएको थियो । एकपछि अर्को विकेट पटन भएको पञ्जाबका लागि आरोन फिन्चले सर्वाधिक २६ रन बनाउदा अक्षर पटेलले ९ रन बनाएभने अन्य खेलाडी सस्तैमा आउट हुन पुगे ।

पञ्जाबलाई सस्तैमा समेट्ने क्रममा बेंग्लोरका उमेर यादवले ३ विकेट लिए ।

झिनो ८९ रनको चुनौति पछ्याउदै ब्याटिङ गरेको बेंग्लोरले ८।१ ओभरमा विना विकेट लक्ष्य पुरा गयो । बेंग्लोरका लागि कप्तान विराट कोहलीले अविजित ४८ र पार्थिव पटेलले ४० रन बनाए ।

आईपीएलको शीर्ष स्थानमा सनराइजर्स हैदराबाद रहेको छ । १२ खेल खेलेको हैदराबादले ९ खेलमा जित ३ खेलमा हार ब्यहोर्दै १८ अंक बनाएर प्लेअफमा पुगि सकेको छ । त्यस्तै १६ अंक बनाएको चेन्नाई सुपर किंग्स पनि प्लेअफमा पुगि सकेको छ , यता तेस्रो स्थानमा रहेको कोलकत्ता नाइट राइडर्स, राजस्थान रोयल्स र किंग्स इलाभेन पञ्जाबको समान १२ अंक रहेको छ भने रोयल च्यालेन्जर्स बेंग्लोर र साविक विजेता मुम्बई इन्डियन्सको समान १२ खेलबाट १० अंक र