महत्वपूर्ण भेटवार्ताका लागि दुई शक्तिशाली राष्ट्र अमेरिकी राष्ट्रपति डोल्ड ट्रम्प र उत्तर कोरियाली नेता किम जोङ उन सिंगापुर पुगेका छन् ।
यी दुई नेताबीच मंगलबार ऐतिहासिक भेटवार्ता हुँदैछ । ट्रम्प र किमको बहुप्रतिक्षित वार्ता मंगलबार सेन्तासा आइल्याण्डमा रहेको होटल क्यापेलामा हुनेछ ।

बहालवाला अमेरिकी राष्ट्रपति र उत्तर कोरियाली नेताबीचको यो भेट पहिलो हुनेछ । यो वार्ताले अमेरिकासँग नयाँ सम्वन्ध स्थापित हुने विश्वास लिइएको उत्तर कोरियाको सरकारी सञ्चार माध्यमले जनाएको छ ।

भेटवार्ताका लागि सिंगापुर पुग्दा ट्रम्प र किमलाई सिंगापुरमा रहेका गोर्खा प्रहरीले सुरक्षा दिनेछन् । यस्तै भेटवार्ताको सबै खर्च सिंगापुर सरकारले व्यहोर्नेछ । भेटवार्ताका लागि कुल एक अर्ब ६० करोड रुपैयाँ खर्च लाग्ने सिंगापुर सरकारले जनाएको छ ।

सिंगापुर सुरक्षित र तटस्थ भुमि भएकाले दुई शक्तिशाली राष्ट्रका नेताहरुबीच वार्ता हुन लागेको हो ।