डाक्टर केसीको जीवन रक्षा माग गर्दै कांग्रेसले दर्ता गर्यो सार्वजनिक महत्वको प्रस्ताव
शेयर गर्नुहोस् >>
प्रतिकृया दिनुहोस
संबन्धित समाचार
प्रमुख प्रतिपक्षी नेपाली कांग्रेसले जुम्लामा अनसनरत डाक्टर गोविन्द केसीको जीवन रक्षा माग गर्दै संसदमा जरूरी सार्वजनिक महत्वको प्रस्ताव दर्ता गरेको छ।
सांसद दिलेन्द्रप्रसाद बडुले प्रस्ताव दर्ता गरेका हुन्। प्रस्तावको समर्थकमा पार्वता डिसी चौधरी र अतहर कमाल मुसलमान छन्।
प्रस्तावक बडुले सेतोपाटीसँग कुरा गर्दै सरकारले ल्याउन लागेको चिकित्सा शिक्षा विधेयकमा यसअघिको अध्यादेशका सबै कुरा समेट्न र त्यसैका लागि अनसनरत डाक्टर केसीको जीवन रक्षा गर्न प्रस्ताव दर्ता गराएको जानकारी दिए।
संसद बैठक दिउँसो १ बजे बोलाइएको छ।
सभामुख कृष्णबहादुर महराले प्रस्ताव आजै अघि बढाउने बताएको पनि सांसद बडुले जानकारी दिए।