मंसिर २६,सुनसरी ।
सोमबार बिहानदेखि अबरुद्घ सुनसरी–३ को मतगणना सुचारु भएको छ । अर्धकट्टीसहित भेटिएको ९ वटा मतपत्रलाई कायमै गरेर मतगणना अघि बढाउन आयोगले निर्देशन दिएपछि रोकिएको मतगणना सुरु भएको हो ।
अहिले मतगणनास्थलमा ठूलो संख्यामा प्रहरी परिचालन गरेर गणना थालिएको छ । यस क्षेत्रमा कांग्रेसबाट विजयकुमार गच्छदार र वाम गठबन्धनका तर्फबाट एमालेकी भगवती चौधरी प्रतिस्पर्धामा छिन् ।
२० हजार मत गन्न बाँकी हुँदा १ सय ५५ मतले भगवती चौधरीले लिड गरिररहेकी छन् । अहिले भगवतीले २९ हजार ३ सय २६ र गच्छदारले २९ हजार १ सय ७१ मत प्राप्त गरेका छन् ।