पुस ६,खोटाङ ।
खोटाङको केपीलासगढी गाउँपालिका–४, बाक्सिलामा आगलागी हुँदा दर्जन घर–टहरा नष्ट भएका छन् । बुधबार राति भएको आगलागीमा बुधबारे हाटका दिन व्यवसायीले प्रयोग गर्दै आएका १० भन्दा बढी टहरा जलेको खोटाङ जिल्ला प्रहरीले जानकारी दिएको छ ।
आगो स्थानीय बासिन्दा र प्रहरीको संयुक्त प्रयासमा निभाइएको थियो । बजारको बीचमा रहेका टहरामा लागेको आगो बेलैमा निभाउन सक्दा उति धेरै क्षति नभएको केपीलासगढी गाउँपालिकाका प्रमुख कृष्ण राईले बताए ।
रातिको समयमा आगो के कारणले लाग्यो भन्नेबार केही खुल्न सकेको छैन ।