धु्रवराज खनाल
रत्ननगर,२६ बैशाख ।
चितवनको ठूलो नगरपालिका रत्ननगरलाई ‘रत्न’ बनाउने प्रतिबद्धता मेयरका प्रत्यासीहरुले जनाएका छन् । रत्ननगर जेसीज र पूर्वी चितवन पत्रकार संघले सोमबार संयुक्तरुपमा आयोजना गरेको संवाद कार्यक्रममा विभिन्न राजनीतिक दलबाट उम्मेद्वार बनेका तथा स्वतन्त्र उम्मेद्वारहरुले पाँच वर्षभित्र रत्न बनाउने बताए ।
निर्वाचन जिते वा हारेपनि पनि पाँच वर्षभित्रमा सबैको सहकार्यमा २० वर्षअघिको परिकल्पनालाई साकार पार्ने उनीहरुको उद्घोष थियो । कार्यक्रममा नेपाली कांग्रेसबाट मेयरका उम्मेद्वार रुपनराज घिमिरेले रत्ननगरको स्वरुप र पहिचान बदल्न आफूले भूमिका निर्वाह गर्ने बताए । “यसअघि निर्वाचित भएकाले खासै काम गर्न सकेनन्”, घिमिरेले भने, “म निर्वाचित भएमा रत्ननगरको स्वरुप र परिचय बदल्नेछु ।” रत्ननगरको वास्तविकतालाई कसैले बुझ्न नसकेको औल्याउँदै उम्मेद्वार घिमिरेले आफूले नगर बदल्न उम्मेद्वारी दिएर चुनावमा होमिएको बताए ।
नेकपा एमालेका मेयर प्रत्यासी नारायण वनले पहिले मेयर बन्दा समय अभावका कारण पूरा हुन नसकेको कामलाई आफू निर्वाचित भएपछि पूरा गर्ने प्रतिबद्धता जनाए । “त्यो केही राम्रा काम भए तर नराम्रो गरिन”, संस्थापक नगर प्रमुख वनले भने,“बाँकी रहेका सपना पुरा गर्ने म अठोट गर्छु ।”
कार्यक्रममा नेकपा माओवादी केन्द्रका तर्फबाट मेयरका उम्मेदवार पूर्णबहादुर अम्गाईं ‘सुवोध’ले रत्ननगरलाई रत्न बनाउने विगतको योजनालाई निर्वाचित भएमा पूरा गर्ने प्रतिबद्धता जनाए । “निर्वाचनमा जिते नगरबासीले दिएको जिम्मेवारी पूरा गर्नेछु”, अम्गाईंले भने, “हारे पनि सहकार्य गरेर काम गर्नेछु ।” नगरको विकासका लागि पूर्वाधार आवश्यक पर्ने उनले औंल्याए । कार्यक्रममा राप्रपाबाट मेयरका उम्मेद्वार गोविन्दप्रसाद अधिकारी, राष्ट्रिय जनमोर्चाका महानन्द शर्मा, फोरम लोकतान्त्रिकका कृष्ण चौधरी, नयाँ शक्ति पार्टीका नारायण रेग्मी, स्वतन्त्र उम्मेद्वार उत्तमराज सिंखडालगायतले पनि समृद्ध नगर बनाउने प्रतिबद्धता जनाए ।
रत्ननगर जेसीजका अध्यक्ष सुरेशचन्द्र आचार्यको अध्यक्षतामा भएको कार्यक्रममा जेसीजका संस्थापक अध्यक्ष निजानन्द मल्ल, कार्यक्रम संयोजक पुष्पराज जोशीलगायतले मन्तव्य व्यक्त गरेका थिए ।
धु्रवराज खनाल
रत्ननगर,२६ बैशाख ।
चितवनको ठूलो नगरपालिका रत्ननगरलाई ‘रत्न’ बनाउने प्रतिबद्धता मेयरका प्रत्यासीहरुले जनाएका छन् । रत्ननगर जेसीज र पूर्वी चितवन पत्रकार संघले सोमबार संयुक्तरुपमा आयोजना गरेको संवाद कार्यक्रममा विभिन्न राजनीतिक दलबाट उम्मेद्वार बनेका तथा स्वतन्त्र उम्मेद्वारहरुले पाँच वर्षभित्र रत्न बनाउने बताए ।
निर्वाचन जिते वा हारेपनि पनि पाँच वर्षभित्रमा सबैको सहकार्यमा २० वर्षअघिको परिकल्पनालाई साकार पार्ने उनीहरुको उद्घोष थियो । कार्यक्रममा नेपाली कांग्रेसबाट मेयरका उम्मेद्वार रुपनराज घिमिरेले रत्ननगरको स्वरुप र पहिचान बदल्न आफूले भूमिका निर्वाह गर्ने बताए । “यसअघि निर्वाचित भएकाले खासै काम गर्न सकेनन्”, घिमिरेले भने, “म निर्वाचित भएमा रत्ननगरको स्वरुप र परिचय बदल्नेछु ।” रत्ननगरको वास्तविकतालाई कसैले बुझ्न नसकेको औल्याउँदै उम्मेद्वार घिमिरेले आफूले नगर बदल्न उम्मेद्वारी दिएर चुनावमा होमिएको बताए ।
नेकपा एमालेका मेयर प्रत्यासी नारायण वनले पहिले मेयर बन्दा समय अभावका कारण पूरा हुन नसकेको कामलाई आफू निर्वाचित भएपछि पूरा गर्ने प्रतिबद्धता जनाए । “त्यो केही राम्रा काम भए तर नराम्रो गरिन”, संस्थापक नगर प्रमुख वनले भने,“बाँकी रहेका सपना पुरा गर्ने म अठोट गर्छु ।”
कार्यक्रममा नेकपा माओवादी केन्द्रका तर्फबाट मेयरका उम्मेदवार पूर्णबहादुर अम्गाईं ‘सुवोध’ले रत्ननगरलाई रत्न बनाउने विगतको योजनालाई निर्वाचित भएमा पूरा गर्ने प्रतिबद्धता जनाए । “निर्वाचनमा जिते नगरबासीले दिएको जिम्मेवारी पूरा गर्नेछु”, अम्गाईंले भने, “हारे पनि सहकार्य गरेर काम गर्नेछु ।” नगरको विकासका लागि पूर्वाधार आवश्यक पर्ने उनले औंल्याए । कार्यक्रममा राप्रपाबाट मेयरका उम्मेद्वार गोविन्दप्रसाद अधिकारी, राष्ट्रिय जनमोर्चाका महानन्द शर्मा, फोरम लोकतान्त्रिकका कृष्ण चौधरी, नयाँ शक्ति पार्टीका नारायण रेग्मी, स्वतन्त्र उम्मेद्वार उत्तमराज सिंखडालगायतले पनि समृद्ध नगर बनाउने प्रतिबद्धता जनाए ।
रत्ननगर जेसीजका अध्यक्ष सुरेशचन्द्र आचार्यको अध्यक्षतामा भएको कार्यक्रममा जेसीजका संस्थापक अध्यक्ष निजानन्द मल्ल, कार्यक्रम संयोजक पुष्पराज जोशीलगायतले मन्तव्य व्यक्त गरेका थिए ।