वर्षा र सहकालका देवता रातो मत्स्येन्द्रनाथको रथ आगामी असार ३ गते जावलाखेलतर्फ लगिने भएको छ। 

ज्योतिषी महेश मङ्गल जोशीले मत्स्येन्द्रनाथको ‘पश्चिम यात्रा’का लागि असार ३ गते तृतीया तिथिको शुभ साइत तय भएको जानकारी दिए।

रातो मत्स्येन्द्रनाथको रथ हाल ललितपुरको लगनखेलस्थित थटीटोलमा रहेको छ। असार ३ गतेको साइतमा जावलाखेल पुर्‍याइनेछ। 

परम्परागत विधिअनुसार ज्योतिषी जोशीले साइत हेरेर मत्स्येन्द्रनाथलाई जावलाखेल लैजाने मिति सुनिश्चित गरेका हुन्।

जावलाखेल पुगेको चौथो दिनमा ऐतिहासिक भोटो देखाउने जात्रा सम्पन्न हुने प्रचलन रहेको छ।