कोरोना संक्रमित : आइसियुमा एक सय ४४, भेन्टिलेटरमा १७ जना
प्रकाशीत मिती
भदौ १४, काठमाडौं ।
पछिल्लो समय कोरोना संक्रमितहरु आइसियु र भेन्टिलेटरमा पुगेर ज्यान गुमाउने क्रम बढिरहेको छ।
ज्यान गुमाउनेमा ५० वर्षभन्दा माथिका धेरै भए पनि युवा उमेरकाले पनि मृत्युवरण गरिरहेका छन्। पछिल्लो पटक तीनजना युवा उमेरका पुरुषले ज्यान गुमाएका छन्। स्वास्थ्य मन्त्रालयका प्रवक्ता प्राध्यापक डाक्टर जागेश्वर गौतमका अुनसार ललितपुरका २९ वर्षीय पुरुषको कोरोनाबाट ज्यान गएको छ।
त्यसैगरी रौतहटका ३० वर्षीय पुरुषको कोभिड पुष्टि भएकै भोलिपल्ट पर्सामा मृत्यु भएको छ। अर्कातिर महोत्तरीका एकजना ३५ वर्षीय पुरुषले पनि कोरोनाबाट ज्यान गुमाएका छन्। कोरोना संक्रमण समुदायमा फैलिएसँगै आइसियु र भेन्टिलेटरमा पुग्नेको संख्या पनि थपिँदैछ। आज भक्तपुरका ६५ वर्षीय पुरुषले होम आइसोलेसनमै ज्यान गुमाएका छन्।
त्यस्तै भक्तपुरको लोकन्थलीका ७७ वर्षीय पुरुषलाई निजामती अस्पतालमा ल्याउँदा आइसियु खाली थिएन। त्यसपछि फर्काएर लोकन्थलीस्थित समिट अस्पतालमा उपचारका क्रममा आइतवार ज्यान गएको छ। मन्त्रालयका अनुसार देशका पाँचवटा प्रदेशमा हाल १ सय ४४ जना संक्रमितको आइसियुमा उपचार भइरहेको छ। यसरी उपचार गर्नेमा प्रदेश १ मा १७ जना, प्रदेश २ मा ३८ जना, बागमती प्रदेशमा ७० जना, गण्डकी प्रदेशमा ३ जना र प्रदेश नम्बर ५ मा १६ जना रहेका छन्। त्यस्तै गम्भीर बिरामी परेर भेन्टिलेटरमा उपचार गराउनेको संख्या १७ रहेको छ।
सबैभन्दा धेरै बागमती प्रदेशमा १२ जना रहेका छन्। त्यस्तै प्रदेश २ मा तीनजना र प्रदेश ५ मा २ जना संक्रमितको अहिले भेन्टिलेटरमा उपचार भइरहेको छ।
पछिल्लो समय कोरोना संक्रमितहरु आइसियु र भेन्टिलेटरमा पुगेर ज्यान गुमाउने क्रम बढिरहेको छ।
ज्यान गुमाउनेमा ५० वर्षभन्दा माथिका धेरै भए पनि युवा उमेरकाले पनि मृत्युवरण गरिरहेका छन्। पछिल्लो पटक तीनजना युवा उमेरका पुरुषले ज्यान गुमाएका छन्। स्वास्थ्य मन्त्रालयका प्रवक्ता प्राध्यापक डाक्टर जागेश्वर गौतमका अुनसार ललितपुरका २९ वर्षीय पुरुषको कोरोनाबाट ज्यान गएको छ।
त्यसैगरी रौतहटका ३० वर्षीय पुरुषको कोभिड पुष्टि भएकै भोलिपल्ट पर्सामा मृत्यु भएको छ। अर्कातिर महोत्तरीका एकजना ३५ वर्षीय पुरुषले पनि कोरोनाबाट ज्यान गुमाएका छन्। कोरोना संक्रमण समुदायमा फैलिएसँगै आइसियु र भेन्टिलेटरमा पुग्नेको संख्या पनि थपिँदैछ। आज भक्तपुरका ६५ वर्षीय पुरुषले होम आइसोलेसनमै ज्यान गुमाएका छन्।
त्यस्तै भक्तपुरको लोकन्थलीका ७७ वर्षीय पुरुषलाई निजामती अस्पतालमा ल्याउँदा आइसियु खाली थिएन। त्यसपछि फर्काएर लोकन्थलीस्थित समिट अस्पतालमा उपचारका क्रममा आइतवार ज्यान गएको छ। मन्त्रालयका अनुसार देशका पाँचवटा प्रदेशमा हाल १ सय ४४ जना संक्रमितको आइसियुमा उपचार भइरहेको छ। यसरी उपचार गर्नेमा प्रदेश १ मा १७ जना, प्रदेश २ मा ३८ जना, बागमती प्रदेशमा ७० जना, गण्डकी प्रदेशमा ३ जना र प्रदेश नम्बर ५ मा १६ जना रहेका छन्। त्यस्तै गम्भीर बिरामी परेर भेन्टिलेटरमा उपचार गराउनेको संख्या १७ रहेको छ।
सबैभन्दा धेरै बागमती प्रदेशमा १२ जना रहेका छन्। त्यस्तै प्रदेश २ मा तीनजना र प्रदेश ५ मा २ जना संक्रमितको अहिले भेन्टिलेटरमा उपचार भइरहेको छ।