इण्डियन प्रिमियर लिगमा दिल्ली डयरडेभिल्सका प्रशिक्षक रिक्की पोन्टिङले नेपाली क्रिकेटर सन्दिप लामिछाने प्लेइङ ईलाभेनमा पर्ने सम्भावना उच्च रहेको बताएका छन ।

आज नयाँदिल्लीस्थित होटल ललितमा डेयरडेभिल्सले आयोजना गरेको पत्रकार सम्मेलनमा कोच पोन्टिङले यस्तो बताएका हुन । सन्दिप अझै सिक्ने क्रममा रहेको भएपनि आइपिएलको कुनै न स्टेजमा टिममा पर्ने सम्भावना रहेको उनको भनाई थियो । टिममा पर्नका लागि सन्दिपले आफुलाई उच्च लयमा राख्ने विश्वास पनि पोन्टिङले ब्यक्त गरे ।

सन्दिप लामिछाने निक्कै राम्रो लेग स्पिनर भएको भन्दै पोन्टिङले प्रसंशा गरे । कोच पोन्टिङले सन्दिपको स्वभाव पनि निक्कै राम्रो भएको भनेर प्रसंशा गरेका थिए ।