एजेन्सी । बलिउड सुपरस्टार ऋतिक रोशन विश्वकै ह्यान्डसम अभिनेताका रुपमा दरिएका छ । भारतीय सञ्चार माध्यमहरुका अनुसार वर्ष २०१८ को सुन्दर अभिनेताहरुको सूचीमा विश्वका सबै अभिनेतालाई पछि पार्दै ऋतिक एक नम्बरमा परेका हुन् । सन् २०११ र २०१२ मा ऋतिक एशियाको ५० ‘सेक्सी’ पुरुषको सूचीमा शीर्ष स्थानमा थिए ।

ऋतिक दुनियाकै गुड लुकिङ सेलिब्रेटीको रुपमा एक नम्बरमा पर्दा बलिउडका अर्का स्टार सलमान खान सातौं स्थानमा छन् । यसअघि सन् २००४ मा यूएसएको पिपुल म्यागजीनले सलमानलाई सातौं ह्यान्डसम अभिनेताका रुपमा राखेको थियो ।

२०१८ का विश्वका १० ह्यान्डसम हिरोको सूचीमा ऋतिक रोशन एक नम्बरमा पर्दा क्रमशः ब्राड पिट, गाडफ्रे जिए ओ, रोबर्ट प्याटिनसन, डेनजेल वासिङटन, उमर बोरकान टू द गाला, सलमान खान, नूह मिल्स, टम क्रुज र प्रिन्स विलियम छन् ।